< Page:Gospel of Saint John in West-Saxon.djvu
This page needs to be proofread.

vi, 51]

Secundum Iohannem

33

42. And hig cwǣdon, Hū nis þis sē Hǣlend, Iosepes sunu? wē cunnon his fæder and his mōdor; hūmeta segð þēs, Ic cōm of heofonum?

43. Sē Hǣlend him andswarode and cwæð tō him, Ne murcniaþ ēow betwȳnan.

Ðys [godspel] sceal on wōdnesdæg on þǣre pentecostenes wucan.

44. Ne mæg nān man cuman tō mē, būton sē Fæder þe mē sende hyne tēo; and ic hine ārǣre on ðām ȳtemestan dæge.

45. On ðǣra wītegena bōcum is āwriten, Ealle ēaðlǣre beoð Godes. Ǣlc þe gehȳrde æt Fæder, and leornode, cymð tō mē.

46. Ne geseah nān man Fæder, būton sē ðe is [of] Gode, sē gesyhþ Fæder.

47. Sōð ic secge ēow, Sē hæfð ēce līf þe on mē gelȳfð.

48. Ic eom līfes hlāf.

49. Ūre fæderas ǣton heofunlīcne mete on wēstene, and hig synd dēade.

50. Đis is sē hlāf þe of heofonum cōm, þæt ne swelte sē ðe of him ytt.

51. Ic eom lybbende hlāf þe of heofonum cōm; swā hwā swā ytt of ðyson hlāfe, hē leofað on

This article is issued from Wikisource. The text is licensed under Creative Commons - Attribution - Sharealike. Additional terms may apply for the media files.